"Мектепішілік бақылау бағыттары»

«Жамбыл облысы әкімдігінің білім басқармасының Сарысу ауданының білім бөлімінің Мұхтар Әуезов атындағы мектеп-гимназиясы» КММ
       Мұхтар Әуезов атындағы мектеп- гимназиясына   2023 жылдың 22 тамыз күні  мектеп директоры К.Сарсекова мен директордың оқу ісі жөніндегі орынбасары А.Алибекованың ұйымдастыруымен «2023-2024 оқу жылында мектеп құжаттарының жүргізілуіне қойылатын талаптардың орындалуы. Мектепішілік бақылау бағыттары» тақырыбында семинар-практикум болып өтті. 
    Семинардың мақсаты: 2023-2024 оқу жылында мектеп құжаттарының жүргізілуіне қойылатын талаптардың орындалуы туралы нұсқаулықпен таныстыра отырып, БЖБ,ТЖБ тапсырмаларын құрастыру бойынша тәжірибе алмасу және мектепішілік бақылау бағыттарымен таныстыру. Педагог қызметкерлердің өзара тәжірибе алмасуына жағдай жасау.
   Семинар-практикумда директордың оқу ісі жөніндегі орынбасарлары А.Алибекова «2023-2024 оқу жылында мектеп құжаттарының жүргізілуіне қойылатын талаптардың орындалуы» тақырыбында, М.Смайлова Мектепішілік бақылаудың бағыттары» тақырыбында, Ж.Момбекова «Білім алушылардың білімін бағалау өлшемшарттарын бекіту туралы» ҚР БҒМ 2016 жылғы 21 қаңтардағы № 52 бұйрығы, «ТЖБ,БЖБ тапсырмаларын құрастырудың тиімді жолдары» тақырыбында мектеп ұстаздарымен теория мен практиканы ұштастыра отырып, коучинг өткізді. Мұғалімдерге ақпараттық-әдістемелік көмектер беріліп, ӘНХ жобасы бойынша биылғы оқу жылындағы   ерекшеліктерімен таныстырылып және ұстаздар өзара тәжірибе алмасты.