«Жеке қауіпсіздік және баланы зорлық-зомбылықтан қорғау»

Мектебімізде бастауыш сынып ата-аналарына арналған «Жеке қауіпсіздік және баланы зорлық-зомбылықтан қорғау» тақырыбында түсіндіру сабағы өткізілді. Бұл шара «Ата-аналарды педагогикалық қолдау» орталығы аясында ұйымдастырылды.
Кездесудің мақсаты — ата-аналардың бала қауіпсіздігі туралы білімін арттыру, зорлық-зомбылықтың алдын алу жолдарын түсіндіру және балаға қолдау көрсету тәсілдерін үйрету.
Сабақ барысында келесі мәселелер талқыланды:
- Баланың жеке шекарасын құрметтеу және қорғау;
- Қауіпті жағдайларды тану және әрекет ету дағдылары;
- Ата-ана мен бала арасындағы сенімді қарым-қатынастың маңызы.
Ата-аналар сұрақтарын қойып, өз тәжірибелерімен бөлісті. Тәжірибелік тапсырмалар мен ұсыныстар беріліп, баламен ашық сөйлесудің тиімді жолдары қарастырылды.
Бұл кездесудің басты нәтижесі — ата-аналардың бала қауіпсіздігіне деген жауапкершілігін күшейту және отбасында сенімді орта қалыптастыруға ықпал ету.