«Бірлескен командалық жұмыс- сапалы білімді жетілдірудің тиімді моделі»

2025 жылдың  26 тамыз күні Мұхтар Әуезов атындағы мектеп-гимназиясында мемлекеттік  білім беру   саясатын  іске асырауда  бірыңғай тәсілді қамтамасыз ету, 2025-2026 оқу жылына педагогикалық  ұжым   қызметінің  негізгі  міндеттерін анықтау арқылы білім процесіне қатысушылардың  академиялық адалдықты сақтау негізінде  білім сапасын арттыру мақсактында «Бірлескен командалық жұмыс- сапалы білімді жетілдірудің тиімді моделі» тақырыбында педагогикалық кеңес өтті. Педагогикалық кеңеске Жамбыл облысы «Өрлеу» Біліктілікті арттыру ұлттық орталығының директоры  Қожамжарова Ләтипа Сейдахметқызы қатысты. Педагогикалық кеңестің отырысын кеңес төрайымы мектеп директоры К.Сарсекова ашып, күн тәртібін таныстырды, отырыстың мақсаты мен міндеттерін айқындады. Педагогикалық кеңестің күн тәртібінде жаңа оқу жылында білім беру ұйымы жұмысының басым бағыттары, жылдық жұмыс жоспарын бекіту , мектептің ұйымдастырушылық-шаруашылық қызметі туралы  қарастырылды. 15  тамыз күні Астана қаласындағы мемлекет басшысы  Қ.Ж.Тоқаевтың қатысуымен болған ұстаздардың республикалық Тамыз конференциясында сөйлеген сөзінің бейнебаяны көрсетілді.
​Бірлескен командалық жұмыс-сапалы білімді жетілдірудің тиімді моделі​​​