«Амал келді – Жыл келді» 14 март - Көрісу мейрамы.

2023 жылы 14 март күні оқушыларға көрісу туралы түсінік бере отырып , қазақ халқының салт-дәстүрін көрсету мақсатында  «Амал келді – Жыл келді»  тақырыбында 14 март - Көрісу мейрамы, амал мерекесі ұйымдастырылды.
  Көрісу мейрамы, амал мерекесі. Көрісу күнінде халық қыстан аман - есен шыққанына қуанып, бір - бірімен қол алысады. Бұл күні барлық өкпе - реніш ұмытылып, кешіріледі.
 Таң  атысымен, көрісу мерекесін асыға күтіп отырған әрбір отбасы алдын ала дайындалып қойған дастарханын жаяды. Міндетті түрде бауырсақ пісіріп, дастарханға тәттісін үйіп қояды. Отбасының кішілері үлкендеріне қос қолын беріп, көрісіп шығады. Бір – біріне «Бір жасыңмен!» дейді. Ол «Бір жасқа есеюіңмен! Осы жылға аман - есен жетуіңмен!» дегенді білдіреді. Содан кейін әр отбасы көршілерімен көріседі. Жасы кіші отбасы мүшелері жасы үлкен жанұяларға кіріп, көрісіп шығады.
    Осы мерекеге орай мектебімізде түрлі ұлттық ойындар ұйымдастырылып, ақ дастархан жайылды.