Сарысу саңлақтары

14.02.19

Музыка пәні мұғалімі Қоңырбекова  Ж.

«Өлкетану» кіріктірілген курсы бойынша танымдық, саяхат сабақ. 

Сабақтың тақырыбы : «Сарысу саңлақтары»

Мақсаты:  Туған жерін, елін сүюге, халқына қызмет етуге тәрбиелеу.  Туған жер тарихын зерттеуге қызығушылықтарын ояту.

Туған жердің төл перзенті – А.Әшімовтың өмірі, еңбек жолын үлгі ете отырып, ұлы тұлғаларға деген сүйіспеншілігін арттыру, олардан үлгі алуға тәрбиелеу. Туған жерімізден шыққан өнер адамдарын дәріптеу

 І.Ұйымдастыру бөлімі.Балалар біздің Сарысу жерінен шыққан өнер адамдарымен танысқыларың келе ма ? Асанәлі Әшімов деген ат таныс па ?

А. Әшімов туралы жетігірек білгілерің келе ма ?

Олай болса барлығымыз тәртіп сақтап, ұйымдасқан түрде  сүйікті қаламыздағы Мәдениет үйіне барып саяхат жасайық

Мұғалім балаларға Сарысу жерінен шыққан өнер адамдарымен таныстырады. Соның ішінде Асанәлі Әшімовке жеке тоқталып баяндайды

Асанәлі Әшімұлы Әшімов 1937 жылы8 мамырдаЖамбыл облысы, Сарысу ауданы, Жайылмада туған – кеңестік және қазақстандық кино және театр актері, кино және театр режиссері, театр педагогы, профессор.

Қазақ КСР халық артисі (1976), КСРО халық артисі (1980). Қазақ КСР мемлекеттік сыйлығының лауреаты (1973), КСРО мемлекеттік сыйлығының лауреаты(1974). Қазақстан театрлар ассоциациясының президенті. Мұхтар Әуезов атындағы Қазақ мемлекеттік академиялық драма театрының көркемдік жетекшісі. Қазақстанның Еңбек Ері (2017). 

Қатал соғыс жылдары өткен балалық шағы туралы осылай дейді: - Алғашқы қар жауғанша жалаң аяқ жүрдім. Бір күні сабақ кезінде қалың қар жауған еді. Барлық сыныптастарымды ата-аналары үйлеріне алып кетті. Ал мен суық саз мектепте жалғыз қалдым. Ол кезде тоғыз жаста едім. Түні бойы қатты қорыққаным соншалық, таңертең мектептен он жасқа есейіп шыққандай болдым. 

Жасыратыны жоқ бала күнімде асықтың майын «іштік». Жілік майы татыған қой сақасымен жеті қадамнан шіреніп атқанда, қаздай тізілген «құлжалар» баудай түсетін. Сол мергендік әлі бар. Аңшы емеспін, бірақ атқаным қате кетпейді. Ал

 «ләңгі» теппеген бала кемде кем. Екі жағыңмен алма-кезек «люра» жасау, ойынды бір кезекте аяқтау нағыз намысыңды оятып, жігеріңді жанитын.

Ал енді А.Әшімов туралы деректі фильм көрейік ;

Кино көрместен бұрын балалар Асанәлі Әшімов атамыз сомдаған қандай киноларды білесіңдер ? 

Қай образы ұнады ?

Олай болса қалған әңгімені атамыздың өз аузынан естиік.

Қорытынды : Әр елдің, әр адамның өзінің бетке тұтар, мақтаныш етер, елі ерекше бағалайтын тарихи тұлғалары болады. Елім,Отаным деген қасиетті ұғымдар әр адамзаттың өз табалдырығынан өз ауылынан, өз өлкесінен басталады.