Қамқоршылық кеңес отырысы

28.11.2020 жыл

Кеңес төрағасы: С. Абдималиков

Хатшы:                 А.Есенбаев 

Қатысқандар: Қамқоршылық кеңес мүшелері, мектеп әкімшілігі.

Күн тәртібінде:

1. Мектеп директорының  2020 жылда атқарылған жұмыстардың есебі.

Тындалды:

   Күн тәртібіндегі бірінші мәселе бойынша Қамқоршылық кеңесінің төрағасы С.Абдималиков жиналысты ашық деп жариялап, күн тәртібінде қаралатын жұмыстарды таныстырды. Мектеп-гимназия директоры Р.Қамбарбаева 2020 жылы атқарылған  жұмыстардың есебімен таныстырып өтті.

М.Әуезов атындағы мектеп-гимназиясы өз жұмысын Қазақстан Республикасының Конституциясы, Білім туралы заңы, Білім беруді және ғылымды дамытудың 2020-2025 жылдарға арналған мемлекеттік бағдарламасы, білім берудің мемлекеттік стандарты, оқу бағдарламаларына және басқа да заңды актілеріне сүйене отырып қызмет жасайды. «Білім беру объектілеріне қойылатын санитариялық-эпидемиялық талаптар» санитариялық қағидаларын бекіту туралы» Қазақстан Республикасы Денсаулық сақтау министрінің 2017 жылғы 16 тамыздағы №611 бұйрығы және короновирустық инфекциясының таралуына байланысты шектеу шаралары кезінде оқу процесін ұйымдастыру әдістемесі №345 бұйрық басшылыққа алынды.

Оқу жылы басында мектептің оқу-тәрбие жұмысы жоспарланды. Жоспар 11 бөлімнен тұрады. Қашықтан оқыту кезінде жұмыс жоспары қашықтан жұмыс жүргізуге ыңғайластырылып, әр бөлім бойынша баламалы жоспар жасалынған. Сабақтардың уақытылы өткізілуі, оқушылардың қатысу тәртібі, білімі қадағаланып, мектепішілік бақылау жоспары да мүмкіндігіне қарай орындалуда. Оқу-тәрбие жұмысы, ата-аналар, ұжымның жиындары мен кездесулері қашықтан жүргізіліп отыр. Оқу, тәрбие үдерісі қандай формада жүргізілмесін, мектеп өз миссиясын орындауға міндетті. Бұл тұрғыда мұғалімдер арасында жүргізіліп жатқан семинарлар, тәжірибе алмасу вебинарлары, оқушылар мен ата-аналар арасындағы тәрбие жұмыстарын айту керек. Мысалы, оқушылар арасында тақырыптық айлық, апталықтар, байқаулар тұрақты жүргізіліп, белсенділер мен жеңімпаздар марапатталды. Ата-аналармен 3 жалпымектептік, 5 сыныптық жиналыс өтті. Педагогикалық кеңес, құқықтық кеңес, әдістемелік жиналыстар жоспарлы жүргізіліп отыр.

Мектеп 6 МАД тобы, 67 сыныпта барлығы 1705 оқушымен (1565+140) бастап, бүгінгі күні 1572+144 (1716) оқушы оқиды, 32 гимназия сыныбы бар. Бүгінде мектепте МАД топтың 143 (1 үйде),1-4 сынып 690 (6 үйде) оқушысы, 5 сыныптың 153 оқушысы ата-аналардың өтінішімен кезекші сыныптарда мектеп қабырғасында оқыса, 6-11 сынып оқушылары қашықтан оқиды.

    Қашық оқу формасыа көшу кезеңінде оқушылардың электронды құрылғыларға қолжетімділігі зерделеніп, үйінде интернеті бар 94 оқушыға мектеп есебіндегі компьютер, интернеті жоқ 220 оқушыға компьютер мен роутер, планшет, ноутбуктер уақытша қолдануға берілді. Оқыту Bilim Land, Daryn, online, т.б. білім платформаларын қолдану, WhatsApp, Messenger,классрум желілері жүргізілуде.Кезекші сыныптарды ұйымдастыруда мектепте санитарлық-эпидемиялық талаптарды орындау басты назарда ұсталады. Білім бөлімі тарапынан мектепке залалсыздандыру заттары, тепловизор, кварцц лампалары, антисептик, тоннель, аяқ киім залалсыздандыру кілемшелері және аз қамтылған отбасы балаларына арнап 4550 дана бетперделер берілді. Мектепте аз қамтылған, көпбалалы отбасында 296 бала есепте, олардың ішінен 255 оқушының ата-анасы әлеуметтік жағдайын анықтайтын құжаттарды өткізіп, тіркелген. Осы аталған отбасы балаларына жалпыға міндетті оқу қоры есебінен 75 балаға мектеп формасы оқу құралдары берілді. Сонымен қатар «Мектеп жол акциясында» мектеп қызметкерлері және жеке кәсіпкерлердің мектеп түлектерінің демеушілігімен 18 оқушыға киім алып бергендігін мәлімдеді. 

    Мектепте 137 мұғалім 46 қосымша қызметшілер жұмыс жасайды. Апталық жүктемелері 1-1,5 бірлікті құрайды. Барлық пән мұғалім мамандары бар. Негізгі пәндермен қоса таңдау пәндері, үйірмелер жоспарланған. Сонымен қатар кезекші 1-5 сыныптарда сабақ беретін мұғалімдерге жүктемеден артық жұмысы үшін қосымша еңбекақы төленіп отырғандығын атап өтті. Ата-аналардың да белсендігі қажет, яғни оларды электронды журналға платформаларына кіріп баласын оқу жетістігін бақылап отыруға тиіс. Қашықтан оқыту кезінде оқу тәрбие жұмысын жүргізудегі тағы бір кемшілік оқушылардың сабаққа кіруі, тапсырманы орындау тәртібі, олардың өз бетінше білім алуға дайындалып ізденуге дағдыланбағандығы: мектеп тарапына оқушы тәртібіне күнделікті тікелей қадағалаудың болмағандыған балалардың ата-ана тарыпынан қадағалаусыз қалуынан жасөспірімдердің арасында құқық бұзушылық орын алып отыр.  Аудандық ішкі істердің есебінде 9 сыныптың 3 оқушысы тұр.(Санай М.,Әбді А., Моңғұл Б.) сондықтан ата-аналардың тарапынан қадағалау отбасындағы тәрбиеге үлкен мән беру қажет екендігін ескертті.

    Қорыта келе, мектеп өз қызметінде Қазақстан Республикасының Білім беру, тәрбиелеу саласындағы міндетті белгіленген барлық нормативтік – құқықтық актілер мен заңнамалар негізінде еңбек етіп отыр.Мектепке бөлінген қаражат есебінен оқу материалдық, шаруашылық заттары мақсатты жұмсалады.Мектеп оқу тәрбие жұмысын ата-аналар комитеті қауымы қамқоршылық кеңеспен келісе отырып, жүргізіліп отырады.Сондықтан сіздермен бірлескен іс-әрекеттеріміз бұдан әрі дамып, жүйеленіп балаларды оқыту мен тәрбиелеуге сапалы әрі тиімді әсер етеді деген сенімдемін.

№  3    Хаттама

Қамқоршылық кеңес отырысы

14.02.2020 жыл

Қатысқандар: Қамқоршылық кеңес мүшелері, мектеп директоры Р. Қамбарбаева, мектеп психологі Г. Боранбаева мен әлеуметтік педагог Қ. Мұқылбекова, ДҚТІЖО А. Ермекбаева.

Күн тәртібінде:

1. Мұхтар Әуезов атындағы мектеп-гимназиясында құқықтық тәрбие жұмысы мен қылмыстың алдын алу бойынша атқарылған жұмыстың есебі. (мектеп инспекторы Г. Сатыбекова)

а) Кәмелетке толмағандар арасындағы құқық бұзушылықтың алдын алу, қылмысты болдырмау бағытында жүргізілген жұмыстардың есебі. (А. Ермекбаева)

б) Мектеп психологі мен әлуметтік педагогтың атқарған жұмыстарының есебі. (Г. Боранбаева, Қ. Мұқылбекова)

2. Мектептің педагогикалық әдеп кеңес құрамын бекіту. (Р. Қамбарбаева)

3. Оқушылар сабаққа келу тәртібінің орындалуы жайлы (Тұзақбай Сүлейменнің ата-анасының   міндетін  орындалуы 8Г сынып жетекшісі К. Абилкасымова)

Тындалды:

       Қамқоршылық кеңесінің төрағасы С. Абдималиков жиналысты ашық деп жариялап, күн тәртібінде қаралатын мәселелермен таныстырды. Белгілі бір себептермен мектеп инспекторы Г. Сатыбекова жиналысқа қатыспады. 

       Мектептің әлеуметтік педагогы Қ.Мұқылбекова 2019-2020 оқу жылында қыркүйек айында 05.09-15.09.2019ж аралығында Мұхтар Әуезов атындағы мектеп-гимназиясында жағдайы төмен отбасы, көп балалы, жетім, жартылай жетім отбасы оқушыларының тұрмыстық жағдайы зерделеніп, сынып жетекшілердің өткізген тізімдеріне қарай отырып, оқушыларды әлуметтік санаттары бойынша тізімдерін анықтап, мектептің әлеуметтік төлқұжатын әзірлеген. Соның нәтижесінде анықталғаны көп балалы отбасының оқушы саны-420, толық емес отбасының оқушы саны-185, тұрмыс жағдайы төмен, аз қамтылған отбасы балалары-200, қомқорлыққа алынған оқушы саны-8, ерекше білімді қажет ететін оқушы саны-15 екендігін айтып өтті. 

        Мектеп мұғалімдерін мазалайтын мәселе тәртібі қиын, сабақтан себепсіз қалатын, ұстаздардың талабын орындамайтын, ашуға бейім оқушылардың барлығын атап өтті. Баланың қиын мінезіне ата-анамен қарым-қатынас екені анықталған. Отбасында қараусыз, панасыз қалған оқушыларды анықтау мақсатында АІІБ есебінде тұрған 2 оқушының үйіне бақылау жүргізілген. Оқушылардың ата-аналарының қарым-қатынасы дұрыс еместігін атап өтті. Мектеп психологі тарапынан анасы Ж. Искаковаға кеңестер берілген. Оқушылардың тұрмыс жағдайы өте жақсы. Барлық жағдайлары жасалған. Аталған оқушылар бос уақытында қосымша үйірмемен қамтылған. А. Ермекбаеваның оқу жылының басында мектепішілік есепке 15 оқушыны қойғанын, бірақ ешқандай  құқықтық кеңес отырысын өткізбейтінін айтты. Оқушылардың әлеуметтік ортасын зерделеу барысында анасы ішімдік ішетін оқушылар анықталған. Отбасын құрған өгей әке мен шешемен  тұратын 20 оқушынын барын айтты. Уақытша қамқорлықта немесе сенім хатпен тұрып жатқан 40 оқушы бар. 

Сөйледі: С. Адбималиков (кеңес   төрағасы)

    Кеңес төрағасы  тәртіпке бағынбайтын, зиянды әдеттерге бейім оқушылармен алдын алу жұмысын   жүргізуді  мектеп инспекторына тапсырды. 

Сөйледі: Қ. Мұқылбекова (әлеуметтік педагог)

   Тәртіп бұзуға бейім, агрессиясын қолда ұстай алмайтын 8Г сынып оқушысы А. Әбді қазіргі күндері  «Жаңатас жастары» еріктілер тобына қосылып жұмыс жасап жүргенін айтып, тәртібі біршама жақсарғанын мәлімдеді. 

      2. Кәмелетке толмағандар арасындағы құқық бұзушылықтың алдын алу, қылмысты болдырмау бағытында жүргізілген жұмыстармен  А. Ермекбаева таныстырды. Өз сөзінде құқық бұзушылықтың алдын алу мәселесі бойынша есеп берді. Кеңес төрағасы С. Абдималиков тәртіп бұзуға бейім оқушылармен қандай жұмыс жасап жатқанын сұрады. А. Ермекбаева қыркүйек айында жоспар жасап, оны бекітіп жұмыс жасап отырғанын айтты. Жолда жүруге байланысты қауіпсіздік ережелерімен таныстырғанын, бала құқығы туралы конвенция құжатымен бастауыш сынып оқушыларын таныстырып, мектеп психологы Г. Боранбаева тренинг өтіп, пікір алмасқанын айтты. «Ұрлық» тақырыбында дәріс жүргізгенін айтты, Халықаралық темекі шегуге бас тарту күніне орай бірнеше іс-шаралар (тәрбие сағаттары, тренинг, кездесу) өткенін айтты. Ерте жүктіліктің алдын алу бағыты бойынша «Қыз бала отбасы ұйытқысы» тақырыбында сынып жетекшілер тәрбие сағаттарын өткенін, аудандық аурухана қызметкерлерімен кездесу ұйымдастырғанын, «Жасөсірпірім және заң» тақырыбында түсіндірме жұмыстары жүргізілгенін айтты. 15 оқушы мектепішілік есепке алынғанын айтып, осының ішінде 1 оқушы Т. Сүлейменнің сабаққа келу тәртібі қиын болып отырғанын , ал қалған оқушылардың тәртібі жақсы екенін мәлімдеді.

Сөйледі: С. Абдималиков (кеңес төрағасы)

  Аталған і-шаралар оқу жылының басынан атқарылған жұмыстар ма? Тоқсанына қанша рет жиналыс өткізгенін сұрады. Зиянды әдетке үйір оқушылармен, ата-анасымен қандай жұмыс жүргізіліп отырғанын сұрады.

Сөйледі: А. Ермекбаева (тәрбие орынбасары)

  Жоспардан тыс, жоспарға байланысты оқушылармен жиналыс өткізетінін мәлімдеді. Ата-анасына айыппұл салдыртпағанын мойындады. Ондай оқушылар мектеп қабырғасында зиянды әдеттерін көрсетпейтінін айтып, ол нәрсені үйінде немесе сыртта жасайтынын мәлімдеді. Бірақ ата-анаға балаларының зиянды әдетке үйірлігін айтқанда, ескерткенде, ол кісілердің мойындамайтынын айтты. 

Сөйледі: С. Абдималиков (кеңес төрағасы)

   Ол оқушылардың зиянды әдетке үйірлігін қайдан білгенін сұрады. А. Ермекбаева өз сөзінде сырттан естігенін мәлімдеді. 

Сөйледі: Р. Қамбарбаева (мектеп директоры)

   Мектеп психологының есебін тындағанан кейін А.Ермекбаеваның жұмысы жайлы мәлімдеме жасайтынын айтты 

Сөйледі: Г. Боранбаева (мектеп психологі)

     2019-2020 оқу жылының қыркүйек айында балалардың сабаққа қатысуы, мектеп ережелерін сақтауы, өзін-өзі басқаруы, эмоциялық жай-күйлері  туралы сынып жетекшілері тарапынан, мектеп әкімшілігі тарапынан да бақылау жұмыстары жүргізіліп, бақылау нәтижесінде балалардың жүріс-тұрысындағы тәртібіне байланысты құқық  бұзушылыққа бейім, есепке алынған оқушылардың тәуекел топтары анықталған.  2019-2020 оқу жылында 17 оқушы есепке алынған.   Оның ішінде 15 мектепішілік есепте, 2 оқушы аудандық есепте. Есепке алынған оқушыларды әртүрлі тәуекел топтарына жатқызған. Сонымен қатар есепке алынған оқушылардың тәртібі, сабаққа қатысулары үнемі бақылауға алынған. Жасаған психологиялық жеке  жұмыстарына тоқталып өтті. Жұмысының нәтижесін көріп отыру үшін мониторинг жасап отырған.

Сөйледі: С. Абдималиков (кеңес төрағасы)

Тәртіпке көнбейтін қанша оқушы  барын сұрады?

Сөйледі: Г. Боранбаева ( мектеп психологі)

   Агрессиясын қолда ұстай алмайтын оқушылардың себебін анықтау барысында, вербальді агрессия оқушыларда басым екені анықталған. Баланың мінез-құлқына байланысты сұраныспен келген ата-аналардың жоқтығын айтты.

Сөйледі: С. Абималиков (кеңес төрағасы)

   Мектеп қабырғасында оқушылар арасында ақша сұрайтын фактілер кездескенде қандай жұмыстар жүргізілгенін сұрады.

Сөйледі: А. Ермекбаева (тәрбие орынбасары)

  Ондай жағдайлар кездесіп отыратынын мойындап, оқушымен сөйлесіп, ата-аналарын шақыртып жұмыс жасап отырғанын сұрады. 

Сөйледі: Р. Қамбарбаева ( мектеп директоры)

     Мектеп басшысының  құзіретін айта келе,  Айнұр Кендебайқызын лауазымдық міндеттерінен босататынын айтты. А.Ермекбаева оқу жылының басынан лауазымы бойынша жұмыс жоспарын әкеліп бекітпеген. Өз міндетін тек мектептегі кезекшілігімен (бейсенбі күні  оқушыларды түгендеу, олардың формасын бақылаумен) шектелетінін, өз уақытысында лауазымдық міндеттеріне қол қоюдан бас тартқанын айтты.  А. Ермекбаева орындаушылық тәртіп бойынша жұмыстарды уақытылы атқармайтынын мәлімдеді.  Берілген 54 тапсырманың 2-еуін  ғана орындаған. Аудан әкімдігі білім бөлімінің алқа отырысында орындаушылық бойынша (құқық бұзушылықтың алдын алу жұмыстары бойынша) ескерту алғанын айтып өтті. Уақытысында берілген хаттарға жауап бермейтінін айтты. Мекеме басшысы ретінде жиналыста (ДЖК) индикаторлық көрсеткіш бойынша атқарған жұмыстарды сұрағанда, есеп беруден бас тартып, педагогикалық этиканы сақтамай жиналыстан шығып кеткенін айтты. Лауазымдық міндетін өз деңгейінде орындай алмайтынын айтып А. Ермекбаеваны жұмыстан шығаруды көздеп  отырмағанын, тек лауазымдық қызметінен босататынын мәлімдеді.   

Сөйледі: С. Абдималиков (кеңес төрағасы)

   Қай пәннен сабақ беретінін сұрады! Кез-келген келеңсіз оқиға орын алса ең бірінші мектеп басшысынан жауап сұрайтынын айтты. Кез-келген мәселеде ауыз біршілікпен жұмыс жасауға шақырды. Екеу ара келісіммен шешуге шақырды. 

Сөйледі: А. Ермекбаева (директордың орынбасары)

   Мектеп басшысының жұмыс жасауға мүмкіндік бермей отырғанын айтты.  Өзінің  ішімдік, темекі қолданбайтындығын, уақтылы жұмыс жасап жатқандығын мәлімдеді. Өзің мектептің педагогикалық кеңесіне, директор жанындағы кеңестің жиынына да салғанын айтты. Бұл мектепте  ішімдік ішетіндер, көшеде жататындар жұмыс істейтіндігін айтып, педагогикалық этиканы сақтамай сөйледі.  Мектеп басшысының берген тапсырмаларын  алмағанын   мойындайтынын айтып, бірін жазатынын, бірін жазбай қалып кететінін мәлімдеді.

   Жұмыс істеуіне мүмкіндік бермей отырғанын, сөз соңында өз тарапынан заңға жүгінетіндігін айтып, кеңес мүшелерінен  рұқсат сұрап жиналыстан шығып кетті.

2.  Екінші мәселе бойынша мектеп басшысыР.Қамбарбаева  мектептің педагогикалық әдеп кеңес құрамымен таныстырып, тізімін атап, бекітіп беруді сұранды.  

           1. Сағынтаева Роза (бірлестік жетекшісі)

           2. Уристенбекова Арай (бірлестік жетекшісі)

           3. Батырбекова Раушан (бірлестік жетекшісі)

           4. Сүлейменова Салтанат (бірлестік жетекшісі)

           5. Жүсіпова Роза (бірлестік жетекшісі)

           6. Жұмағұлова Бекзада (білім бөлімінің әдіскері)

           7. Шаяхметова Ирина (ата-ана)

Сөйледі: Р.Қамбарбаева ( мектеп директоры)

    Әдеп кеңестің жұмыс бағыты, қағидаттарымен таныстырды.Қамқоршылық кеңес мүшелерінің алдына әдеп кеңес мүшелерін шақырып  жеке жеке таныстырды.

3. Оқушылар сабаққа келу тәртібінің орындалуы жайлы (Тұзақбай Сүлейменнің ата-анасының  міндетін   орындалуы 8Г сынып жетекшісі К. Абилкасымова)

Сөйледі: К. Абилкасымова (8Г сынып жетекшісі)

   Тұзақбай Сүлеймен оқу жылының басынан сабаққа кешігіп келетінің, үнемі себепсіз қалатынын айтты. Үйіне барса есік ашпайтынын, анасының (Г. Үмбетова)  жұмыс орнына барғанда мардымды жауап бермейтінін, Акт толтырғанда  қол қоймайтынын мәлімдеді.  Телефонға дұрыс жауап бермейтінін де айтып өтті. Телефонмен айқайлап жауап беретінін айтты. Денсаулығына байланысты ауырып келемесе, ол күндерге анықтама әкеп бермейтінін мәлімдеді. Үйіне, жұмыс орнына барғаннан нәтиже шықпайтынын айтты. Сынып жетекшісі үйіне мектеп психологы Г. Боранбаева, әлеуметтік педагог Қ. Мұқылбекова   мен  А.Есенбаев, тәрбие орынбасары Л. Абуова, мектеп инспекторымен де барған. Көршілері Тұзақбай        Сүлеймен деген баланың тұратынын да білмеген. 1,5 ай сабақ келмеген, сол уақытқа дерматолог Ә. Қалманбаева «Микоз гладкой кожи» деген анықтама жазып берген.

Кеңес шешімі:

1.1.  Аудандық ішкі істер бөліміне мектеп инспекторы мен қамтамасыз ету туралы сұраныс жасау.

1.2.  Мектеп тәртібіне бағынбайтын, тәртіп бұзатын, зиянды әрекеттерге бейім балалар, олардың ата-аналарымен жеке жұмыс жүргізу.

1.3 Ата-аналардың жауапкершілігін көтеру жұмыстарын ұйымдастыру. Ата-ана , оқушылардың арасында құқықтық сауаттылық жұмысын жүргізу.

1.4. Мектеп директоры Р.Қамбарбаеваның тәрбие ісі жөніндегі орынбасары А.Ермекбаеваның лауазымы бойынша жұмыс тәртібі туралы хабарлама назарға алынсың.Мектеп директорына заң шеңберінде өз құзіреттілігінің аясында шешім шығару ұсынылсын. 

2.1. Мектептің педогогикалық әдеп кеңес құрамы ұсынылған тізіммен бекітілсін.

2.2. Кеңес жұмысының барысы  қамқоршылық кеңесіне директордың есебімен бірге тыңдалып отыру ұсынылды.

3.1. Тұзақбай Сүлейменнің мектепке келу тәртібін қадағалау жалғастырылсын. Оқушының анасы мен пікірлесу міндеттерін түсіндіру жүргізілсін.