"Балақайлар" мектебі – мектеп табалдырығын алғаш аттайтын бүлдіршіндерді бейімдеуге арналған маңызды жоба. Қазіргі таңда мектебімізде 200 оқушы білім алуда, оның ішінде 160 бала 1-сыныпқа өтініш беріп, 40 бала дайындық курсына қатысып жатыр. Бұл курс балалардың танымдық дағдыларын дамытуға, сөйлеу, жазу және шығармашылық қабілеттерін жетілдіруге бағытталған. Алдағы оқу жылында 1-сыныптарға 8 сынып-комплекті жасақталды. «Балақайлар» мектебі балалардың мектепте оқуға тұлғалық, зияткерлік, әлеуметтік- психологиялық дайындығын, құзыреттілігін дамыту, оқуға ынтасын қалыптастыру мақсатында әртүрлі тапсырмалар орындап, балалардың сөйлеуін дамыту мақсатында суреттер бойынша әңгіме құрап, ұйымшылдық пен қамқорлыққа баулу мақсатында топпен «Бірлік»-тақырыбында сурет салып, топпен жұмыс жасады.